Tokaý taksasiýasy
57«Tokaý taksasiýasy» okuw kitabynda tokaýlaryň hasabyny ýöretmek barada düşünjeler we tokaýlara baha bermegiň usullary, ýurdumyzda tokaýlarda agaçlaryň düzümini öwrenmegiň hem-de taksasiýa ölçegleriniň hemme görnüşlerini geçirmegiň düzgünleri, ulanylýan ölçeg birlikleri, umuman, tokaý baýlyklaryna hemmetaraplaýyn baha bermegiň esaslary beýan edilýär.
«Tokaý taksasiýasy» okuw kitabynda Türkmenistanyň tokaý hojalygynda tokaý taksasiýasynyň ähmiýeti, wezipeleri, tokaý agaçlarynyň taksasiýasy, taksasiýa ölçeglerini geçirmegiň düzgünleri we tokaý agaçlaryny hasaba almagyň goruny kesgitlemegiň usullary, tokaý agaçlyklarynyň düzümini, agaçlaryň sütüniniň beýikligini, ýaşyny, ösüşiniň seljermesi esasynda olary ýetişdirmeklik we taksasiýa esaslarynda tokaýlaryň hasaba alyş ulgamyny kämilleşdirmek barada maglumatlar berilýär.
Tokaý taksasiýasy okuw dersiniň esasy wezipesi ýurdumyzda tokaýçylygy ösdürmekde ulanylýan agaç we gyrymsy agaç görnüşleriniň düzümini öwrenmekden hem-de olara baha bermekden, taksasiýa ölçegleriniň görnüşleri, ölçegleri geçirmegiň düzgünleri, taksasiýanyň ölçeg birlikleri, tokaý agaçlarynyň taksasiýasyny we taksasiýa usullaryny, tokaý baýlyklaryna, ösüp oturan we kesilen agaçlara hemmetaraplaýyn baha bermek ýaly köp meseleleriň nazaryýet esaslaryny we tejribeçilik ýollaryny öwretmekden ybaratdyr.
Okuw kitaby ýokary we ýörite orta okuw mekdepleriniň talyplaryna niýetlenip, ondan tokaýçylykda, ekologiýa ulgamynda işleýänler, tokaýlaryň hasabyny, kadastryny ýöredýän we monitoringini alyp barýan hünärmenler peýdalanyp bilerler.
S.A.Nyýazow adyndaky Türkmen oba hojalyk uniwersiteti
