Täzelikler

  Eziz Diýarymyzyň tokaý-seýilgäh zolaklarynda ýangynyň döremeginiň öňüni almak we ýangynyň dörap biläýjek sebäplerini giňden halk köpçüligine ýetirmek maksady bilen Türkmenistanyň Tebigaty goramak jemgyýetiniň Lebap welaýat bölüminiň we Lebap welaýat Polisiýa bölüminiň Ýangyn howpsuzlyk bölümi bilen bilelikde gurnamaklarynda Lebap Atçylyk sport toplumynda  “Gözel tebigatymyzy ýangyndan goralyň”  atly okuw maslahaty geçirildi. Döwletli maslahata Türkmenistanyň Tebigaty goramak jemgyýetiniň Lebap welaýat bölüminiň hünärmenleri, bagbanlary Lebap welaýat  Atçylyk sport toplumunyň hünärmenleri, aksakal gojalarymyz, edara-guramalardan gelen ildeşlerimiz, tebigaty söýüjiler gatnaşdylar. Tomus pasly howanyň derejesiniň ýokary göterilmegi netijesinde ýangynyň döremegi howpludyr. Şol sebäpli Eziz Diýarymyzda daş töwerege görk berip duran tokaý zolaklaryny, hoşboý ysly tämiz gülleri, agaç nahallaryny ýangyndan goramak boýunça sazlaşykly işler ýola goýuldy. Bu babatda mekdeplerde, edara-guramalarda, kärhanalarda şeýlede köpçülikleýin habar beriş wagyz nesihat işleri geçirilip, ildeşlerimize ýangyn howpunyň düzgünleri düşündirilýär. 

  Okuw maslahatynda çykyş edenler tomus paslynyň dowam edýänligi sebäpli tebigaty ýangyn howpundan goramaga has-da ünsli çemeleşilmegi talap edilip, ýylyň bütin dowamynda ýangynyň döremegine ýol berilmeli dälligi, olaryň çäklerinde giren her bir raýat ýangyn howpsuzlyk kadalarynyň düzgünlerini berjaý etmelidigi düşündirildi. Aýratyn hem Türkmenistanyň Tebigaty goramak jemgyýetiniň Lebap welaýat bölüminiň hünärmenleriniň bir agajyň bir gije gündiziň dowamynda ortaça 3 adama kislorody bölüp çykarýan bolsa bir ýylyň dowamynda tokaý we seýilgäh zolaklarynyň her gektary 50-den 70-tonna çenli tozany özüne siňdirip, ekologiýa taýdan arassa howany üpjün edýändigi hakynda eden çykyşy dabara gatnaşanlarda uly täsirini galdyrdy.

 Täsirli çykyşlardan soňra okuw maslahatyna gatnaşyjylar Lebap welaýat Atçylyk sport toplumynda ahalteke bedewlerimize edilýän idegler, ilhalar bedewleriň kemala gelmegi ugrunda  Gahryman Arkadagymyzyň , Arkadagly Gahryman Serdarymyzyň taýsyz tagallalary netijesinde döredilen şertler bilen ýakyndan tanyşdyrlar.

  Okuw maslahatynyň esasy maksady Allatagallanyň bolluk bilen eçilen tebigat gözelliklerini ýangyn howpundan goramak baradaky işleri wagyz etmekden 

ybarat boldy. 

  Çykyşlaryň dürli görkezme esbaplar, gerbäpler , rolikler, foto-suratlar bilen baýlaşdyrylmagy bolsa olaryň täsirliligni artdyrdy.