Täzelikler

  2025-nji ýylyň 17-nji dekabrynda Birleşen Milletler Guramasynyň (BMG) Aşgabat şäherindäki edara binasynda BMG-nyň Ýewropa ykdysady komissiýasynyň bilermenleriniň gatnaşmaklarynda “Türkmenistanda Suw üpjünçiligi, arassaçylyk, gigiýena we saglygy goraýyş barada başlangyç maglumatlaryň seljermesi” atly taslamasyny ara alyp maslahatlaşmak maksady bilen söhbetdeşlik - okuw sapagy geçirildi.

Söhbetdeşlik - okuw sapagyna ýurdumyzyň ähli ministrliklerinden we pudak edaralaryndan hünärmenler gatnaşdylar. Ýokarda agzalan taslama BMG-nyň Ýewropa ykdysady komissiýasynyň suw we saglygyň problemalary boýunça Protokolyň çäklerinde işlenilip taýýarlanylýar. Bu söhbetdeşlik - okuw sapagyna Türkmenistanyň Daşky gurşawy goramak ministrliginiň degişli hünärmenleri hem gatnaşdylar. Söhbetdeşlik - okuw sapagynyň gün tertibine laýyklykda, gatnaşyjylar iki topara bölünip, her topara suw meseleler barada ýumuş tabşyryldy. Gatnaşyjylar berlen ýumuşlary höwes bilen ýerine ýetirdiler.