EXPO-2025 Bütindünýä sergisiniň çäklerinde Türkmenistanyň Milli pawilýonynyň meýdançasynda “Ekologiýa abadançylygy — ösüşiň möhüm şerti” atly halkara maslahat geçirildi.
109 Ýaponiýanyň Osaka şäherinde geçirilýän EXPO-2025 Bütindünýä sergisiniň çäklerinde Türkmenistanyň Milli pawilýonynyň meýdançasynda “Ekologiýa abadançylygy — ösüşiň möhüm şerti” atly halkara maslahat geçirildi.
Maslahata Türkmenistanyň Ýaponiýadaky Adatdan daşary we Doly ygtyýarly ilçisi A.Baýramow, Türkmenistanyň Daşky gurşawy goramak ministrliginiň wekilleri, EXPO-2025-niň ýolbaşçylary hem-de dürli ýurtlaryň wekiliýetleri gatnaşdy.
Türkmenistanyň wekiliýetiniň düzüminde Daşky gurşawy goramak ministrliginiň Ösümlik we haýwanat dünýäsi müdiri Rüstem Nuryýew, Halkara ekologiýa hyzmatdaşlygy we taslamalary utgaşdyryjy bölümiň esasy hünärmeni Süleýman Mämmetmyradow, Çöller, ösümlik we haýwanat dünýäsi milli institutynyň ylmy-barlag we taslamalar bölüminiň müdiri Nury Atamyradow dagy çykyş etdiler.
Maslahatyň dowamynda Türkmenistanyň halkara ekologiýa başlangyçlary, ýurdumyzda ekologiýa abadançylygyny üpjün etmek, tokaý zolaklaryny giňeltmek, suw tygşytlaýjy tehnologiýalary ornaşdyrmak boýunça alnyp barylýan işler, şeýle hem halkara hyzmatdaşlygyň häzirki ýagdaýy we mümkinçilikleri barada çykyşlar edildi.
Süleýman Mämmetmyradow özüniň çykyşynda ýurdumyzyň tebigy baýlyklary, bioköpdürlüligi we halkara ekologiýa hyzmatdaşlygynyň ugurlary boýunça çykyş edip, ýörite taýýarlanan wideoşekili görkezdi.
Maslahatyň jemleri boýunça halkara hyzmatdaşlygy mundan beýläk hem ösdürmegiň zerurdygy bellendi.
Süleýman Mämmetmyradow
Halkara ekologiýa hyzmatdaşlygy we taslamalary utgaşdyryjy bölümiň esasy hünärmeni
