“Ýitip barýan hazynalar” maksatnamasy
5727-nji ýanwarda,Türkmenistanyň Daşky gurşawy goramak ministrliginiň Gidrometeorologiýa baradaky gullugynyň edara binasynda BMG-niň Daşky gurşaw boýunça maksatnamasy (ÝUNEP) bilen halkara guramalaryň, döwlet edaralarynyň, ylmy jemgyýetiň, ekologiýa boýunça taslamalaryň we jemgyýetçilik guramalarynyň wekilleri bilen maslahat geçirildi. Maslahaty Türkmenistan Daşky gurşawy goramak ministrligi, Ýunep, şeýle hem Conservation X Lab's taslamasy tarapyndan gurnaldy.
Ýunepiň eksperti Martin Hofman "Ýitip barýan hazynalar" maksatnamasynyň barada çykyş etdi. Soňra Türkmenistanyň Daşky gurşawy goramak ministrliginiň Çöller,ösümlik we haýwanat dünýäsi milli institutynyň ylmy işgäri J.Saparmyradow "Türkmenistanyň aýratyn goralýan tebigy ýerleriniň we biodürlüliginiň ýagdaýy" barada çykyş etdi. Şeýle hem, Türkmenistanda Merkezi Aziýa gaplaňyny gorap saklamak boýunça görülýän çäreler barada Tatýana Rozen çykyş etdi. Global suw hyzmatdaşlygynyň bilermeni G.Nurmuhammedowaň “Howanyň üýtgemeginiň Türkmenistanyň suw baýlyklaryna täsiri” atly hasabaty hem diňlenildi. Soňra iş maslahatlary üç sany iş toparynda dowam etdi. Şol ýerde ýygnaga gatnaşyjylar howanyň üýtgemeginiň ýabany tebigata we ýerli jemgyýetlere abanýan howplaryny ara alyp maslahatlaşdylar we jandarlar dünýäsi üçin durnuklylygy goldaýan ekologiýa çärelerine we geljekki taslamanyň amala aşyrylmagyna gatnaşjak taraplara degişli meseleleri maslahatlaşdylar.
Ş.B. Karryýewa, CXL taslamasynyň ýolbaşçysy
